بعض الامثال الشعبية من تراث بلادي ... بالهجة العامية

[abdgh]

1_تجوزنا لننستر يرحم ايام الفضيحة.
2_غيرة المرة مفتاح طلاقها.
3_الايد يلي مابتقدر تقطعها بوسها وادعي عليها بالكسر.
4_كل لسان انسان.
5_قالو لعنتر مين عنترك قلن مالقيت حدا يردني.
6_ابنك لاتعلمو الدهر بيعلمو.
7_الاخ جناح.
8_روح بلط البحر.
9_على هالحمص مافي عيد.
10_من تحت الدلف لتحت المزراب.
11_متل خيال الزريعة هيبة بلا فعل.
12_متل سمك البحر الكبير بياكل الصغير.
13_ايد الحر ميزان.
14_الكلب ببيتو سبع.
15_طول البال بيهد الجبال.
16_اسال عن الام قبل ماتلم.
17_اهلك لو علكوك مابيبلعوك.
18_شو اطيب من العسل قلو الخل ببلاش.
19_جهد الجاهل بتيابو وجهد العاقل بكتابو.
20_فقر الانسان بوطنو غربة.
21_البيت بيت ابونا والناس بيخانقونا.
22_لا غايب الا واستغنينا عنو ولا حاضر الا واعتزناه.
23_معاونة مابتعاونونا وبالعين بتصيبونا.
24_يلي بيساعدك بايد ساعدو بالتنتين.
25_شعرة من هون وشعرة من هون بيعملو دقن.
26_مابيحمل همك الا يلي من دمك.
27_اجا بدالك وراح دلالك.
28_اتجوزنا لنستريح حملنا المنجل والشطيح.
29_خود الاصيلة ولو عالحصيرة.
30_اسعى بجنازة ولا تسعى بجوازة.
31_يلي بدو ياخد اموال الناس بدو يوفيا ويلي بدو ياخد بنات الناس بدو يكفيا.
32_خدي ختيار يدلللك ولا تاخدي شب يبهدلك.
34_لما صار للخرا مرا صار يحلف بالطلاق.
35_الفرس من ورا خيالا والمرا من ورا رجالا.
36_بنت الاصل غالية ولو كانت عارية.
37_اشتغل بالخرا ولا تعتاز مرا.
38_يلي بدك تصاهرو لا تقاهرو.
39_قلو حبني وخدلك جحش قلو المحبة مابتصير دحش.
40_الايد يلي مابتاخد مابتعطي.
41_لاتشرب من البير وترمي فيه حجر.
42_الارض الواطية بتشرب ميتا ومية غيرا.
43_الي مابياكل من زوادتو مابيشبع.
44_ضحكتو بسنانو وسمومو بلسانو.
45_بياكل من خيرك وبيخدم غيرك.
46_صاحبك العتيق ولا خيك الجديد.
47_لا تدعي على صاحبك بالسعادة بتخسرو.
48_مابيتذكرو خيرنا حتى يعاشرو غيرنا.
49_صديقك يلي بدك تبقيه لاتاخد منو ولا تعطيه.
50_اذا حلق جارك بل دقنك.
51_خود اسرارن من صغارن.
52_اخرس وبدو يعيط.
53_يلي مابيتعب مابيرتاح.
54_متل دكر النحل بياكل مابيجني.
56_يلي بيتكل عالناس تتاجرلو خوازيق بتنجرلو.
57_باع جلد الدب قبل صيدو.
58_خبي العسل بجرارو لتجي اسعارو.
59_يلي مابيفهم بالاشارة الحكي معو خسارة
60_الضرب بيعلم الدب الرقص.
61_جيب للمجنون الف عقل مابيعجبو غير عقلو.
62_ان انصف الدهر يوم معك ويوم عليك.
63_الشيبة هيبة.
64_السبع متى شاب بيصير مضحكة للكلاب.
65_بكانون كن وعالفقير حن.
66_ع حظ الحزينة ماتت المدينة.
67_متل شباط بيعير وبيستعير وبيضل ناقص.
68_بنيسان الحكم للنسوان.
69_القوي بدو قوي والرقص بدو حنجلة.
70_يلي بيكبر فشختو بيوقع.
71_موت الفقير وتعريصة الكبير ماحدا بيدرا فين.
72_الشغلة يلي مابتهمك وصي عليها جوز امك.
73_عادات السادات سادة العادات.
74_من جمل نفسو جملتو الناس ومن زبل نفسو انداس.
75_نشرو قميص المعتر هبت الريح.
76_ناس بتاكل لحم وناس بتدفع حقو.
77_يلي بيسكر ما بيعد قداح.
78_من قلة الرجال سمو الديك ابو علي.
79_قال الحيط للوتد ليش عم تشقني قلو اسال يلي عم يدقني.
80_اذا كان تمك مليان دم لا تبزقو قدام حدا.
81_يلي جاية الو رقصة ويلي رايح الو بعصة.
82_العتاب صابون القلوب.
83_يلي مابتقدر تشتريه لا تشتهيه.
84_لو بدي من هالابر المخرمة كان عندي قفف معرمة.
85_لا تفرح بيلي بيروح لحتا تشوف يلي بيجي.
86_اول دخولو شمعة ع طولو.
87_الحيط الواطي كل الناس بتركبو.
88_اولو ولع واخرتو دلع.




/ (/>