استسلام

[استاذ نسوانجى]

دخيلك نسيم الشرق بين الضلوع انسلّ


أنا أدري خضوعي لك يعد انحناية ذل



تجي من مكانٍ كل ذكراه ناس وهل



يقل الرجا في قربهم والغلا ما قل



لا من تهت في صحرا الظما وين ابا القى ظل



صبرت وصبرت إلين حسيت صبري كل



تنشّد عن أخباري تبي قبضتي تنحل


تنفست عن جرحي وفليت ستره فل



هذا عقد صمتي في يدين القصيد انهل



إذا سور عزمي طاح عن جيشه المنفل

فأنا أستسلم أحسن لي ولا أطيل مشواري



يشين الدهر، لكنها حكمة الباري



لو أن تشتري شمعة سرى البرق سمّاري



وعلامات الاستفهام تستنجد القاري



وذي غلطتي اللي سببت كل هالجاري

لوأني مثل هالناس خذت الحياة حيَل

على كثر ما تحتاجني تكثر أدواري

أو أني انحنيت شوي لين العصوف تزل

ما وقّفت متسمّر، تقل نصب تذكاري

أنا وش جنيت إلا هموم ٍ تهدّ دوَل

ومهجورةٍ يذري على دربها الذاري

يا ليل الضياع أسألك ب**** كيف آدل

ما شفت النجوم اللي تهاوى وأنا ساري

سريتك ما كنت أدري بطولك، ولما حل

علي الأمر بالقوة، سريتك وأنا داري