Moda01
09-09-2019, 07:32 PM
ما توقف عملية الإنعاش (CPR) للشخص المطلوب إذا ما صحي معك إلا اذا لقيت المُسعفين موجودين عندك ومستعدين ياخدو الحالة منك. الإنعاش مش بالضرورة يخلي البنى آدم يصحى معك، هو فقط بينعمل ليجبر الدم يوصل للدماغ وبالتالي الشخص يلي معك بكون صمد ليجي الاسعاف ويعمل اللازم حتى يرجعه لوعيه.
-المسبح او المسطح المائي يلي قررت انك تنط فيه ممكن ما يكون بالعمق يلي انت مفكره. ازا قفزت وما كان في كمية مياه كافية لحتى تستقبلك انت معرض لكسر بالرقبة و معرض للموت.
دائما تأكد من عمق المسطح المائي من خلال انك تنزل بالتدريج اولا بعدها بتقدر تقفز او تنط زي ما بدك.
-إذا عضّك (كلب- قرد - راكون - خفاش- قط -احد المواشي) لازم تتوجه مباشرة عالمستشفى ليفحصوك. لأنه إذا كان الحيوان يلي عضك مصاب بداء الكلب وما حصلت على العلاج الفوري رح تبدأ تظهر عليك اعراض المرض و رح يكون علاجك مستحيل.
إذا طلبت الطوارئ (911) اول معلومة بتعطيها للي معك عالخط هي المكان يلي فيه الحادث، عشان اذا صار اشي ادّى لإنقطاع التواصل بينك وبين يلي بيحكي معك عخط الطوارئ اقل ما فيها ببعتولك حدا يعرف نوع المشكلة يلي عندك وبالتالي بستدعي الشرطة او الإطفائية -حسب الحالة-.
مثال١:
-الطوارئ: خدمة الطوارئ معك، وين موقعك؟
انت:في حدا طعنني!!
(انقطع الاتصال وانت صرت لحالك)
مثال٢:
-الطوارئ: خدمة الطوارئ معك، وين موقعك؟
انت: بمدينة كذا بحي وشارع ورقم عمارة كذا وطابق و شقة كذا
(انقطع الاتصال بس عالقليلة في حدا رح يجي يتفقدك بهالعنوان)
-اذا سألك شخص غريب عن(الوقت- موقع مكان معين-او اي شيء)دائما اجعل هالشخص في نطاق رؤيتك.
لا تعطيه ظهرك حتى تدله على مكان ما وتخليه ينشلك وانت مشغول بتوصيفه ومش ملتفت عليه.
وإذا سألك عالوقت لا تنزل راسك لتشوف الساعة بموبايلك (ارفع الموبايل شوي ليصير الموبايل والشخص فمجال رؤيتك).
-إذا اضطريت إنك تنزل من السيارة يلي انت فيها وهي بتتحرك، لا ترمِ حالك رمي منها. انزل بأول رجل من السيارة و كمِّل الخطوة بالرجل التانية، هاي الطريقة رح تقلل من سرعة جسمك لما يرتطم او يتدحرج عالارض وبالتالي اضرار اقل.
-اذا كان السائق يلي انت معه مُريب، حاول بطريقة ما انه يعرف انك على اتصال مع اهلك ويعرف انهم بيعرفو مسار رحلتك والمكان يلي بدك تروحه. هاد ممكن يخليك اقل عُرضة لتكون ضحية من ضحاياه لانه رح يفضّل انه يتجنبك.
(يُفضل دائما انك تبعت مسار رحلتك او معلومات السائق لأهلك قبل ما تطلع معه)
-مُسعف بقول انه إذا كُنت عم تختنق بلُقمة طعام في مكان عام ارجوك ما تروح على الحمام تجنباً للإحراج من لمة الناس حواليك. معظم حالات الوفاة يلي سببها الاختناق بالطعام كُنا نلاقيها بالحمامات العامة، لأنه الناس هدول كانو خجلانين ومستحيين من طلب المساعدة!!
-إذا بدك تقطع الشارع مشي ولاحظت انه اشعة الشمس عم تنعكس على الزجاج الامامي للسيارة يلي جاي من بعيد ففي إحتمال كبير انه سائق هاي السيارة ما بيقدر يشوفك.
نفس الشي إذا ظِلك عم يأشر على اتجاه هالسيارة.
-لما تدخل على مبنى لاحظ اماكن باقي المخارج غير المخرج يلي دخلت منه. لأنه بحالات الطوارئ دائما الناس بيهربو من المخرج الرئيسي، بالمقابل انت ممكن تطلع من مخرج ثانوي اقل إزدحاماً او اقرب إلك وبالتالي اسرع.
-إذا في حدا واضح انه عم يلحقك حاول بسرعة تلاقي اي حدا حواليك اعمل حالك بتعرفه احضنه و اهمسله بدانه شو عم يصير معك، عالاغلب رح يستجيبلك ويعمل حاله بيعرفك.
ما تسمح للناس يلي بسوقو بطريقة سيئة او متهورة ينرفزوك ويعصبوك وبالتالي تأثر على سواقتك او ردة فعلك.
اترك الموضوع يروح بحال سبيله، خود نفس عميق عد لل١٠. ردة فعلك الثائرة على سائق متهور او مُستَفِز ممكن تكلفك كتير.
حاول تكون اكثر استرخاء.
جزء 1
-المسبح او المسطح المائي يلي قررت انك تنط فيه ممكن ما يكون بالعمق يلي انت مفكره. ازا قفزت وما كان في كمية مياه كافية لحتى تستقبلك انت معرض لكسر بالرقبة و معرض للموت.
دائما تأكد من عمق المسطح المائي من خلال انك تنزل بالتدريج اولا بعدها بتقدر تقفز او تنط زي ما بدك.
-إذا عضّك (كلب- قرد - راكون - خفاش- قط -احد المواشي) لازم تتوجه مباشرة عالمستشفى ليفحصوك. لأنه إذا كان الحيوان يلي عضك مصاب بداء الكلب وما حصلت على العلاج الفوري رح تبدأ تظهر عليك اعراض المرض و رح يكون علاجك مستحيل.
إذا طلبت الطوارئ (911) اول معلومة بتعطيها للي معك عالخط هي المكان يلي فيه الحادث، عشان اذا صار اشي ادّى لإنقطاع التواصل بينك وبين يلي بيحكي معك عخط الطوارئ اقل ما فيها ببعتولك حدا يعرف نوع المشكلة يلي عندك وبالتالي بستدعي الشرطة او الإطفائية -حسب الحالة-.
مثال١:
-الطوارئ: خدمة الطوارئ معك، وين موقعك؟
انت:في حدا طعنني!!
(انقطع الاتصال وانت صرت لحالك)
مثال٢:
-الطوارئ: خدمة الطوارئ معك، وين موقعك؟
انت: بمدينة كذا بحي وشارع ورقم عمارة كذا وطابق و شقة كذا
(انقطع الاتصال بس عالقليلة في حدا رح يجي يتفقدك بهالعنوان)
-اذا سألك شخص غريب عن(الوقت- موقع مكان معين-او اي شيء)دائما اجعل هالشخص في نطاق رؤيتك.
لا تعطيه ظهرك حتى تدله على مكان ما وتخليه ينشلك وانت مشغول بتوصيفه ومش ملتفت عليه.
وإذا سألك عالوقت لا تنزل راسك لتشوف الساعة بموبايلك (ارفع الموبايل شوي ليصير الموبايل والشخص فمجال رؤيتك).
-إذا اضطريت إنك تنزل من السيارة يلي انت فيها وهي بتتحرك، لا ترمِ حالك رمي منها. انزل بأول رجل من السيارة و كمِّل الخطوة بالرجل التانية، هاي الطريقة رح تقلل من سرعة جسمك لما يرتطم او يتدحرج عالارض وبالتالي اضرار اقل.
-اذا كان السائق يلي انت معه مُريب، حاول بطريقة ما انه يعرف انك على اتصال مع اهلك ويعرف انهم بيعرفو مسار رحلتك والمكان يلي بدك تروحه. هاد ممكن يخليك اقل عُرضة لتكون ضحية من ضحاياه لانه رح يفضّل انه يتجنبك.
(يُفضل دائما انك تبعت مسار رحلتك او معلومات السائق لأهلك قبل ما تطلع معه)
-مُسعف بقول انه إذا كُنت عم تختنق بلُقمة طعام في مكان عام ارجوك ما تروح على الحمام تجنباً للإحراج من لمة الناس حواليك. معظم حالات الوفاة يلي سببها الاختناق بالطعام كُنا نلاقيها بالحمامات العامة، لأنه الناس هدول كانو خجلانين ومستحيين من طلب المساعدة!!
-إذا بدك تقطع الشارع مشي ولاحظت انه اشعة الشمس عم تنعكس على الزجاج الامامي للسيارة يلي جاي من بعيد ففي إحتمال كبير انه سائق هاي السيارة ما بيقدر يشوفك.
نفس الشي إذا ظِلك عم يأشر على اتجاه هالسيارة.
-لما تدخل على مبنى لاحظ اماكن باقي المخارج غير المخرج يلي دخلت منه. لأنه بحالات الطوارئ دائما الناس بيهربو من المخرج الرئيسي، بالمقابل انت ممكن تطلع من مخرج ثانوي اقل إزدحاماً او اقرب إلك وبالتالي اسرع.
-إذا في حدا واضح انه عم يلحقك حاول بسرعة تلاقي اي حدا حواليك اعمل حالك بتعرفه احضنه و اهمسله بدانه شو عم يصير معك، عالاغلب رح يستجيبلك ويعمل حاله بيعرفك.
ما تسمح للناس يلي بسوقو بطريقة سيئة او متهورة ينرفزوك ويعصبوك وبالتالي تأثر على سواقتك او ردة فعلك.
اترك الموضوع يروح بحال سبيله، خود نفس عميق عد لل١٠. ردة فعلك الثائرة على سائق متهور او مُستَفِز ممكن تكلفك كتير.
حاول تكون اكثر استرخاء.
جزء 1